Hverjir skópu velferðarsamfélagið?

Þessi frétt um lokun/fækkun hjúkrunarrýma á Landakoti fór alveg fram hjá mér þar sem ég var önnum kafin við hjúkrun/umönnun á eldri borgurum þegar hún var birt.  Svona fréttir stoppa náttúrulega stutt á forsíðu fréttavefs

Það er makalaus andskoti að við skulum reglulega þurfa að fara í gegnum þessa umræðu.  Hversu gamlir ætli þeir einstaklingar séu sem taka þessar ákvarðanir?

Ætli þeir séu það ungir að "ellin" sé þeim fjarlæg sem himintunglin?  Ætli þeir séu það gamlir að þeir séu sjálfir "munaðarlausir"? Ætli þeir geri sér ekki grein fyrir að röðin komi einhvertíma að þeim sjálfum?

Af hverju ætli þeim sem með fjármuni ríkisins fara finnist alltaf réttlætanlegt að skera niður útgjöld vegna aldraðra einstaklinga?

Aldraðir Íslendingar eru þeir sem lengst hafa borgað í sameiginlegan sjóð ríkisins.  Þeir sem eru aldraðir í dag unnu bókstaflega baki brotnu við að skapa það velferðarþjóðfélag sem við töldum okkur vera.

Það voru ekki aldraðir Íslendingar sem komu okkur í þá stöðu sem við erum í þessa dagana....það voru afkomendur þeirra í 2. og 3ja ættlið, sem það gerðu og hafi þeir skömm fyrir.

Ég viðurkenni fúslega þá skuld, sem ég hef gagnvart öldruðum Íslendingum, en ég neita alfarið þeirri skuld, sem fjárglæframenn og vita vonlaust opinbert eftirlitskerfi hefur sett á mínar herðar. 

Aldraðir Íslendingar eiga skilið áhyggjulaust ævikvöld, þeir hafa unnið fyrir því. 

 

Deildum lokað á Landakoti

Athugasemdir

[Hólmdís Hjartardóttir, 29.1.2009 kl. 22:14]

tek undir

[, 29.1.2009 kl. 22:22]

Sammála

[Helga Magnúsdóttir, 29.1.2009 kl. 22:24]

Þetta er sko meira en satt. Maður hefur ekkert sérstakan áhuga á að verða mjög gamall í þessu þjóðfélagi. Svo eru vitanlega til ellimillablokkir þar sem ríka fólkið heldur sig í ellinni, eins langt frá almúganum og það hefur verið alla ævi.

[Sædís Hafsteinsdóttir, 29.1.2009 kl. 22:36]

HEYRHEYR

[Steingrímur Helgason, 29.1.2009 kl. 22:38]

Auddað.

[Sigríður Ásdís Karlsdóttir, 29.1.2009 kl. 22:49]

Sjaldan launar kálfurinn ofeldið. Sagði gamla konan. Sorglegt

[Jóna Kolbrún Garðarsdóttir, 30.1.2009 kl. 01:05]

Heyr, heyr þetta er svo satt.  Það er skömm að þessu liði sem alltaf vill skera niður í þjónustu við aldraða. 

[Lára Hanna Einarsdóttir, 30.1.2009 kl. 02:33]

Ég gæti ekki verið meira sammála!

[Jakobína Ingunn Ólafsdóttir, 30.1.2009 kl. 02:41]

Þessi meðferð er svik við eldra fólk

[Gudrún Hauksdótttir, 30.1.2009 kl. 08:40]

Hjartanlega sammála tér Sigrún mín.Gefum öldrudum áhyggjulaust ævikvöld PÙNKTUR

Knús til tín.

[Hallgerður Pétursdóttir (IP-tala skráð) 30.1.2009 kl. 08:51]

Þetta er ljótasti bletturinn á samféagi okkar hvernig við komum fram við eldri borgara landsins

[Sigrún Jónsdóttir, 30.1.2009 kl. 12:38]

Þakka ykkur fyrir innlit og innlegg

[Guðrún Emilía Guðnadóttir, 30.1.2009 kl. 13:59]

Munið þið síðasta verk Ingibjargar Sólrúnar í borgarstjórastólnum?
nei ef ég man rétt þá var það sá sparnaður sem gerði það að verkum að föndrið hætti nema á vissum stöðum, það átti að aka fólkinu á vissa staði í borginni hef ekki á æfi minni vitað annað eins.
Mamma mín var á Lindargötunni síðan þurfti hún að fara á hjúkrunarheimili, fór í Skógarbæ yndislegt heimili, en ekkert föndur.
Það er skömm að þessu.
Kveðjur
Milla.

[Rakel Sigurgeirsdóttir, 30.1.2009 kl. 22:11]

Gæti ekki verið meira sammála þér!!! Það er skammarlegt að fara svona með eldri kynslóðina. Þá kynslóð sem var alin upp við það að bíta bara á jaxlinn og þegja sama hvað að höndum ber! Þetta er kannski líka sú kynslóð sem hefur lengst af sett exið sitt við bókstafinn D vegna þess hvað flokkurinn á bak við hann ber fallegt heiti