Lesið í þögnina!

Einhvern vegin finnst mér hin þrúgandi þögn annarra borgarfulltrúa Sjálfstæðisflokksins segja meira um stöðuna í borgarstjórnarflokki Sjálfstæðisflokksins, en vandræðalegar samhengislausar og ofnotaðar setningar Vilhjálms Þ. á furðulegasta blaðamannafundi íslandssögunnar í dag.

Tilskipun dagsins í Valhöll var: Axlið ábyrgð,  fylgið foringja ykkar, hvort sem ykkur líkar betur eða verr.  Þeim líkaði þessi tilskipun augsýnilega verr og flúðu vandræðaskapinn.

Það sitja náttúrulega allir borgarfulltrúarnir 15 í ábyrgð upp að öxlum!

Hvaðan ætli “þverpólitíski” Tjarnarkvartettinn taki við tilskipunum?  Vilja ekki vera memm!! Ætli það sé kannski skilyrt við borgarstjórastólinn?  Það skyldi þó ekki vera.

Vilhjálmur: Hef axlað ábyrgð

Athugasemdir

[Guðrún Jóna Gunnarsdóttir, 11.2.2008 kl. 23:31]

Þetta er farsi sem engan veginn er hægt að skilja lengur nema þá helst ef Spaugstofumenn taki að sér að túlka hann.