Eini maðurinn með viti!

Ég fór í jarðarför í dag og kvaddi gamlan vin.  Var reyndar á morgunvakt, en fékk að "skreppa", sem ég er ákaflega þakklát fyrir

Þorkell Diego Þorkelsson var gull af manni.  Knúsin hans og brosin hans létu engan ósnortin.  Hann var 17 ára töffari þegar hann kom fyrst til Súgandafjarðar, gifti sig með "leyfi frá forseta" tveggja barna móður og eignaðist með henni 2 börn til viðbótar.  

Ég kynntist Kela og Ástu vel veturinn 1973-74, þegar ég kom "heim" í sömu erindagjörðum og Keli á sínum tíma, þ.e. að vinna mér inn pening fyrir áframhaldandi Englandsdvöl.  En Keli hafði einmitt komið vestur til að vinna sér inn pening.  Hann ílentist, giftist og stofnaði þar fjölskyldu og bjó þar i mörg ár.

Keli var einn af þessum mönnum, sem er nauðsynlegur litlum sjávarplássum, alltaf tilbúin að sinna þeim störfum sem honum voru falin.....algjörlega ómissandi.

Pabbi minn var spar á hól yfirlýsingar svona yfirleitt, en hann átti eina góða setningu, sem hann notaði um fólk sem honum líkaði:  "Hann er eini maðurinn hér með viti"!  Keli var einn af þeim sem fékk þetta hól frá honum pabba mínum

Ég átti alveg von á því að gráta tregagráti í athöfninni í dag, enda ungur maður í blóma lífsins, sem ég var að kveðja, en það gerði ég ekki.  Sr. Bjarni Karlsson í Laugarneskirkju jarðsöng og í kveðjuorðunum fékk hann hláturtaugar viðstaddra til að virka, þannig að maður heyrði hlátur og sá axlir hristast

En Keli er hérna ennþá.  Ég fann það í faðmlögum barnanna hans, Elmars, Sigurþórs og Guðrúnar Ástu  Ég votta þeim og öðrum aðstandendum og vinum Þorkels Diego Þorkelssonar mína dýpstu samúð og mun geyma minninguna um góðan dreng á meðan ég lifi

 

Athugasemdir

[Ragna Birgisdóttir (IP-tala skráð) 25.4.2009 kl. 00:20]

[Hrönn Sigurðardóttir, 25.4.2009 kl. 00:41]

[Hlédís, 25.4.2009 kl. 00:51]

Maður þekkir Kela af lýsingu þinni og orðum föður þíns. Þökkum fyrir allt góða fólkið okkar.

[Jóna Kolbrún Garðarsdóttir, 25.4.2009 kl. 00:56]

Ég samhryggist þér, svona menn eins og þú lýsir eru að verða sjaldgjæfari og sjaldgjæfari.   Bjarni Karlsson er alveg frábær prestur og ekki er konan hans síðri hún Jóna Hrönn Bolladóttir. 

[Ía Jóhannsdóttir, 25.4.2009 kl. 07:40]

     

[Rut Sumarliðadóttir, 25.4.2009 kl. 12:20]

[gaddur, 25.4.2009 kl. 17:07]

Samhryggjist þér .Kveðja

[Hólmdís Hjartardóttir, 26.4.2009 kl. 12:57]

30BEDA55-B2D0-6370-817A-081F7BF5D664

1.02.28