Hallelúja......

Ég fór ásamt annarri friðsamri húsmóður úr austurbænum  holmdish í mótmælablysför frá stjórnarráði til Austurvallar.  Við erum ánægðar með okkar framlag.  Við stóðum okkar plikt við að mótmæla því ástandi, sem nú hefur skapast hjá þjóðinni okkar og fæst okkar eiga nokkra sök á.

Nú ber svo við að Valhallararmur bloggheima hefur vaknað og stendur á ÖSKRINU vegna okkar mótmælenda.  Gott að þeir vöknuðu, því þá fara þeir kannski að hlusta.

Við hverju bjóst fólk?  Að mótmæli gætu endalaust verið hallelújasamkomur?....af því að það er svo íslenskt eitthvað

Ég leyfi mér að mótmæla því að "lífi" þúsunda landa minna hefur verið fórnað á altari græðgivæðingar með fulltingi vanhæfra stjórnvalda.  Ég leyfi mér að mótmæla því að almenningur þurfi að greiða niður "góðæris" bömmerinn, sem hann tók engan þátt í að móta.

Saklausum almenningi er nú stillt upp við vegg og gert að borga skuldir óreiðumanna, sem komu bönkunum á hausinn án afskipta vanhæfra stjórnvalda.  

Þar sem ég og mótmæla félagar mínir erum ekki "fulltrúar" þjóðarinnar (nema í kosningum og skoðanakönnunum), skv. utanríkisráðherra, hljótum við að áskilja okkur þann rétt að að borga ekki okkar hluta af "þjóðarskuldinni".

Burt með vanhæfa ríkisstjórn 

Kryddsíld lokið vegna skemmdarverka

Athugasemdir

[Rúnar (IP-tala skráð) 31.12.2008 kl. 16:10]

Og þetta kemur nokkurra milljónar króna ótryggðu tapi stöðvar 2 sem leiðir líklegast til uppsagna einhverra tæknimanna til að vega móti tapinu, hvernig?

[Snjólaug A. Sigurfinnsdóttir, 31.12.2008 kl. 16:24]

Get sagt þér það fröken fullkomin að hér norður á hjara veraldar var kreppa um síðustu aldamót, nokkur fyrirtæki gjaldþrota, tugir manna atvinnulausir, húsin stóðu auð og fólk flutti burt frá eignum sínum.   Og þér var skít sama......... það heyrðist ekki mikið í ykkur þá.  Þú apar bara eftir það sem þér hentar hverju sinni, hef enga samúð með þér eða þínum.

[Eggert Hjelm Herbertsson, 31.12.2008 kl. 16:35]

Ég mótmæli hegðun þessara mótmælenda. Þið talið ekki fyrir mig, takk fyrir.

[Guðríður Haraldsdóttir, 31.12.2008 kl. 16:36]

Ég hefði farið í þessa blysför ef ég byggi í Reykjavík, leitt að hún skyldi enda í þessum látum. Kannski fara stjórnvöld að hlusta núna, hef stundum haft á tilfinningunni að þeim sé skítsama um rólegheitin í mótmælunum hingað til, bara verst að þetta bitnaði á tækjabúnaði Stöðvar 2 í hita leiksins.

Takk fyrir að fara í blysförina fyrir hönd okkar allra, ekki síst okkar úti á landi sem þetta ástand bitnar heldur betur á, vildi að ég hefði komist sjálf.

[Aprílrós, 31.12.2008 kl. 16:51]

[Hólmdís Hjartardóttir, 31.12.2008 kl. 16:52]

Heyr heyr

Takk fyrir daginn þú átt skilið frábært kvöld

Halelúja

[Jenný Anna Baldursdóttir, 31.12.2008 kl. 16:52]

Takk fyrir að standa vaktina.  Gleðilegt ár mín kæra.

[, 31.12.2008 kl. 16:56]

Merkileg viðbrögð við mótmælum og mótmælendum. Telur fólk ekki ástæðu til að mótmæla samþykki ríkisstjórnar á bruðli og óheilindum. Ég þakka mótmælendum fyrir að vekja áfram athygli stjórnvalda á því að almúginn er ekki sáttur við þeirra hlut í erfiðleikunum sem kallaðir hafa verið yfir okkur (a.m.k. sumir almúgamenn). Vitaskuld er óheppilegt að einhver tæki brotna og eyðileggjast en þau eru ekki jafn verðmæt og margt það sem aðrir eru að missa.

[Sigrún Jónsdóttir, 31.12.2008 kl. 17:07]

Takk fyrir innlit og innlegg

Rúnar, ástæða fyrir uppsögnum á tæknimönnum stöðvar 2, ef af verða, verður verður ekki hægt að heimfæra á mótmælendur.  Stöðin er væntanlega tryggð fyrir svona "áföllum" svo reikningurinn fer á alla "fulltrúa" þjóðarinnar.

S. Ásta, ég er ekki fullkomin, sem betur fer.  Ég fékk heldur betur að finna fyrir kreppunni á síðari hluta síðustu aldar.....og þess vegna er mælirinn kannski löngu orðinn fullur hjá mér.  Ég tel mig því geta séð hvað atvinnulaust og eignalaust fólk á í vændum.

Þarf ekki þína samúð, né frá nokkrum öðrum....en ég þrái frjálst Ísland.

Eigið ánægjuleg áramót öll og Gleðilegt ár.

Ung frænka mín varð fyrir "gasi" í dag.....hún er reið ung kona, sem hefur þurft að hætta námi vegna "góðærishrunsins".  Ég skil hennar reiði mætavel.

[Rannveig H, 31.12.2008 kl. 17:08]

Sigrún mín ég er stolt af þér! Takk fyrir að standa þig svona vel kveðja úr sveitinni og gleðilegt ár.

[Rúnar (IP-tala skráð) 31.12.2008 kl. 18:19]

Rannveig, kapplarnir og myndavélarnar eru ekki tryggðar fyrir náttúruhamförum og þess háttar- en ekki skemmdarverkum af mannavöldum. Þetta veit ég fyrir víst þar sem ég vinn þarna. Ótryggða-jónið sem hlaust af þessum óeyrðum í dag hlaupa í milljónum, og miðað við að félagið er að reka fullt af starfsmönnum vegna 3-4 milljón króna árslauna, þá er það alveg bókað að 1-2 fjúki til að dekka þennan kostnað.

Verði ykkur að góðu, þið sprænduð á tjáningarfrelsið í dag og kostuðu einhverjum vinnuna sína í dag.

[Snjólaug A. Sigurfinnsdóttir, 31.12.2008 kl. 18:27]

Ísland er frjálst og ég bjarga mér sjálf.  Þegar ég tapa þá er það sjálfri mér að kenna, allt sem ég geri ber ég sjálf ábyrgð á.  Ég hengi engan og hleyp ekki til að kenna öllum um ófarir mínar.

Gas herðir í frænku þinni og lífið er ekki búið.

Sömuleiðis gleðilegt ár.   

[Heidi Strand, 1.1.2009 kl. 01:49]

Gleðilegt ár og takk fyrir daginn!
Ég tek þátt í mótmælunum vegna þess að ég vil burt með spillinguna!!!!!

[Hrönn Sigurðardóttir, 1.1.2009 kl. 03:12]

Þú ert verðugur fulltrúi þjóðarinnar Sigrún.

Solidarnos

[Jóna Kolbrún Garðarsdóttir, 1.1.2009 kl. 03:18]

Ég komst ekki í gær, ég þakka þér og Hólmdísi fyrir að standa mótmælavaktina.     Ég óska þér gleðilegs árs. 

[Haraldur Bjarnason, 1.1.2009 kl. 07:11]

Gott þetta Sigrún. Gleðilegt ár  ...þú varst örugglega fulltrúi minn þarna.

[Gudrún Hauksdótttir, 1.1.2009 kl. 08:58]

Sigrún mín hvar værum vid án fólks eins tú.takk fyrir ad mótmæla fyrir mig og mína sem ekki eiga heimangengt.

Sömuleidis tad var yndislegt ad tengjast tér ad nýju.Gledilegt ár til tín og tinna.

Hjartanskvedja frá Jyderup

[Ía Jóhannsdóttir, 1.1.2009 kl. 11:33]

Gleðilegt ár Sigrún mín. 

 Ég er sammála, aðgerða er þörf! Hallelúja samkomur virka ekki til lengdar  en oft þarf ekki nema einn til tvo til að skemma fyrir málstað þúsunda og það finnst mér slæmt. 

[Ásthildur Cesil Þórðardóttir, 1.1.2009 kl. 13:41]

Flott hjá þér kona.  Áfram Ísland, burtu óhæfa ríkisstjórn og dindlar. Gleðilegt nýtt ár til Þín Sigrún mín. Megi allir góðir vættir vaka yfir þér og þínum. 

[Theódór Norðkvist, 1.1.2009 kl. 14:46]

Þeir sem eru að vorkenna eiganda sjónvarpsstöðvar fyrir að hafa orðið fyrir smátjóni, manni sem hefur haft mörg hundruð milljarða af konum, börnum og gamalmenum og lifir sjálfur í vellystingum, eru eitthvað skemmdir.

[Hallgerður Pétursdóttir (IP-tala skráð) 1.1.2009 kl. 17:30]

Þú hefur það sem okkur sárlega skortir mörg. Duginn til að standa vaktina. Enda trúverðug kona. Sem lætur verkin tala.

[Hulla Dan, 1.1.2009 kl. 21:40]

Þakka þér.
Vildi óska að ég gæti tekið þátt í þessum mótmælum.
Ég fylgist með stóreygð og argandi hérna heima í stofu og styð ykkur fullkomlega.
Kveðjur yfir hafið og gleðilegt ár.

[Jakobína Ingunn Ólafsdóttir, 2.1.2009 kl. 08:20]

Já burt með ríkisstjórnina og úðabrúsanna þeirra!

[Magnús Paul Korntop, 2.1.2009 kl. 12:53]

ÉG MÓTMÆLI HARÐLEGA SITKANDI RÍKISSTJÓRN OG VANHÆFUM EMBÆTTISMÖNNUM Í NAFNI SJÁLFS MÍN OG ALLRA SKYNSAMRA LANDSMANNA MEÐ HLUTINA Á HREINU.

sJÁUMST Á NÆSTU MÓTMÆLUM.

[Katrín Snæhólm Baldursdóttir, 2.1.2009 kl. 21:00]

Jii er fólk í alvöru að syrgja sundurbrenndan kapal og trúa því að hann muni valda atvinnumissi tæknimmana stöðvar tvö?? Og fréttin sem maðurinn sagði á stöð tvö með dramastískum hætti um krepptan henfa með einhverju odóttu framan á sem hitti hann í andlitið er í dag orðið hald af blysi sem hent var í þvöguna og hitti manninn. Þetta voru allar líkamsárásirnar og skemmirnar. Ari Edwald er svo efni í heilan pistil og hans "afrek" í græðgisvæðingunni sem hér átti sér stað. Svo stillir hann sérupp og hvetur til frekara og harðara ofbeldis frá lögreglunni gegn mótmælendum. Mér er orða vant..en held áfram að mótmæla friðsamlega eins og áður, hvet til stillingar en skil vel að uppúr sjóði eftir þá framkomu sem stjórnvöld hafa sýnt.

Stöð tvö missti allan trúðverugleika á gamlársdag. Algerlega.

[Kristján Arnar Helgason (IP-tala skráð) 3.1.2009 kl. 00:03]

Takk fyrir Sigrún. og gleðilegt ár.

Ég er hjartanlega sammála þér, .þú og þínar vinkonur standið ykkur frábærlega og megið þið allrar blessunar njóta. Ég hef því miður ekki átt heimangengt undanfarnar vikur vegna veikinda annarra í fjölskyldunni en ég mun neyta allra bragða til að vera með næst. En eitt er það sem að ég skil ekki, hvers vegna eru mótmælendur ekki með SKÍÐAGLERAUGU til að verjast ÁRÁSARÚÐANUM sem lögreglan notar til að DREPA mótmælin? Kveðja  Kristján

[Sigrún Jónsdóttir, 3.1.2009 kl. 01:21]

Takk öll fyrir innlit og innlegg, þið eruð yndisleg

Kristján, ég er farin að skoða skíðagleraugu.....finn bara ekki rétta litinn

[Þórarinn Þ Gíslason (IP-tala skráð) 3.1.2009 kl. 07:31]

Sæl Sigrún.

Svo sannarlega er Ríkisstjórnin Vanhæf,

þó ekki sé meira sagt.

Kveðja.