Við gerðum okkur dagamun........í sitt hvoru lagi.

1. vetrardagur er að kveldi kominn skv. almanakinu og mikið asskoti var kalt í borginni.  Mikið um að vera og nýjasti borgarstjórinn leiddi útsvarsgreiðendur með börnum og búaliði um sveitir Laugardalsins fór með þeim í sund og bauð upp á andans góðmeti í söfnum borgarinnar.  Beið eftir fréttum af lögreglutalningu af þátttöku á þessum atburðum en fékk engar.

Svona kuldakast er best notað til að kúra með sínum nánustu í upphituðum hýbýlum borgarbúa....en Hanna Birna, ekki taka þessu sem einhverju vanþakklæti, við mætum kannski næst, þegar vel viðrar og mamman og pabbinn eru búin að aðlaga sig breyttum lifnaðarháttum.

Mamman og pabbinn höfðu líka öðrum hnöppum að hneppa í dag....þeim var boðið á nokkrar útgáfur af mótmælafundum og þar sem þau eru nýungagjarnir Íslendingar röltu þau á nokkra svoleiðis.

Sneðugt á Íslandi....allir að gera eins, bara ekki á sama tíma.  Mótmælafundur á Austurvelli kl. 15:00, nei kl. 16:00, nei, nei, kl. 15:00, nei kl. 16:00....Shit, hvað skal gera?

Við  holmdish bloggvinkona, ákváðum að skunda á Austurvöll og mættum þar kl. 15:00.  Hörður Torfa, sá ljúflingur tók á móti okkur með söng og gítarspili.  Svo upplýsti hann okkur um það sem okkur var farið að gruna......það var maðkur í mysunni.  Frammámönnum/konum kl. 16:00 mótmælafundar var boðið að taka þátt í kl. 15:00 mótmælunum og síðan gætu allir farið saman í blys(bál)för að ráðherrabústað....en nei var svarið..  Fáránlegt, og það læðist að manni sá grunur að Kolfinna og Arnþrúður vilji taka völdin....prímadonnur báðar tvær.

Við á kl. 15:00 mótmælafundinum fengum hreint frábæra ræðu frá Einari Má og aðra mjög góða frá Guðmundi Gunnarssyni.  Þeir fengu góðar undirtektir "mótmælenda" og samþykkt var að mæta aftur næsta laugardag kl. 15:00....stundvíslega.

Á leið okkar frá fundi, mættum við Hólmdís miklum stjörnufans, sem skundaði á Austurvöll...klukkustund of seint......Bryndís, Jón, Ómar og þið hin.....Það gengur bara betur næst.

Bítlarnir með Revolution í boði sjúkraliðans

Sameinaðir stöndum vér en sundraðir föllum vér....er kannski klisja, en þið þarna úti sem hafið betri hugmyndir, endilega látið í ykkur heyra.  Að bíða eftir næstu lögbundnu kosningum við þessar aðstæður, sem nú eru á landinu okkar er í besta falli veruleikafirring.

Við gerðum okkur dagamun....í sitt hvoru lagi

Gerum okkur dagamun

Athugasemdir

[Hólmdís Hjartardóttir, 25.10.2008 kl. 23:21]

Athugaðu að þetta fólk sem þú telur upp mætti okkur stjörnunum.

  

[Róbert Guðmundur Schmidt, 25.10.2008 kl. 23:21]

Dúllan mín, þú ert flott samblanda af Bob Dylan, Janis Joplin og Jesús kristi sjálfum  og öll blómum prýdd enda komin af blómatímabilinu fræga þar sem mótmælin og frelsisbaráttan sveif yfir öllu. Áfram veginn og ekki gefa tommu eftir.

[Sigrún Jónsdóttir, 25.10.2008 kl. 23:38]

Hólmdís ég mismælti mig auðvitað

Róbert minn, þú ættir að heyra mig syngja.  Gaman að sjá þig

[Jenný Anna Baldursdóttir, 25.10.2008 kl. 23:50]

Þetta er ömurlegt hjá Kolfinnu og kó.  Meiri primadonnurnar.

[Jóhannes Ragnarsson, 26.10.2008 kl. 00:14]

http://www.joiragnars.blog.is/blog/joiragnars/entry/687704/

[Sigrún Jónsdóttir, 26.10.2008 kl. 00:26]

Jenný, þetta er fáránlegt hjá þeim.

Jóhannes takk fyrir linkinn á þinn frábæra pistil....allir að lesa

[Guðrún Jóna Gunnarsdóttir, 26.10.2008 kl. 00:51]

Það hefur verið stíll á ykkur Hólmdísi! Verst að hafa verið fjarri góðu gamni þar. Þykist vita að frændi minn, hann Hörður, hafi tekið vel á móti góðu fólki. EN, úff, rosalega er fúlt að hafa ekki geta tekið þátt!  Kannski síðar............   Er ekki önnur mótmæli boðuð að viku liðinni???

Þið eruð langflottastar!

[Marta smarta, 26.10.2008 kl. 01:36]

Takk fyrir skemmtilegan pistil.

Gaman að vera með í þessu öllu á blogginu þínu þar sem heilsan bauð ekki upp á annað.  Hefði viljað vera í bænum í dag.

[Gudrún Hauksdótttir, 26.10.2008 kl. 07:43]

Tad eru tá Prímadonnur eda hitt tó heldur....

Já tad er allt svo snidurgt á íslandi.

Knús

[Ía Jóhannsdóttir, 26.10.2008 kl. 08:31]

Heheheh alltaf lagast það

[Rannveig H, 26.10.2008 kl. 09:31]

Ég skal hundur heita ef ekki verur komið nýtt framboð eftir smá tíma. Þar sem útvarp Saga er lögð undir mótmæli alla vikuna og þar leika Jón Baldvin Arnþrúður og Guðmundur Ólafsson aðal hlutverkið. Svo eru skemmtiatriði um helgar. Þarna eru vanir menn sem vinna verkin, en ég veit ekki hverjum til hagsbóta.

[Sigrún Jónsdóttir, 26.10.2008 kl. 10:12]

Ég þakka innlit og innlegg.  Guðrún, við Hólmdís eru auðvitað að vinna um næstu helgi......þú verður vonandi komin á gott ról þann. 8. nóv. þá getum við tekið út stöðuna yfir kakóbolla eftir fund.   Marta sama á við um þig.

Rannveig, ég skal líka hundur heita......held nefnilega að þetta sé rétt hjá þér.

Gurra, Ía og Auður

[Rut Sumarliðadóttir, 26.10.2008 kl. 10:14]

Góðan og blessaðan, það er ekki öll vitleysan eins...

[Rut Sumarliðadóttir, 26.10.2008 kl. 10:14]

Eða var þetta rangur misskilningur??

[Sigrún Jónsdóttir, 26.10.2008 kl. 10:16]

Góðan daginn Rut mín.  Er ekki tilveran dásamleg.....?

[Guðrún Emilía Guðnadóttir, 26.10.2008 kl. 13:05]

Nei Rut mín þetta var ekki misskilningur.
leitt að vera ekki nær ykkur, er þið spjallið yfir kakóbolla er það ekki með rjóma, annars er swiss mocka alveg hrikalega gott.
Knús Milla.

[Hallgerður Pétursdóttir (IP-tala skráð) 26.10.2008 kl. 16:02]

Ég held að það sé stutt í næstu kosningar og þá er ég með það á kristaltæru hvað ég kýs. Tel mig ekki veruleikafirrta. Heldur raunsæja.

[Helga Magnúsdóttir, 26.10.2008 kl. 19:19]

Það er út í hött að hafa ekki bara ein herjans mótmæli í stað þess að skipta þessu svona upp. Þá geta ráðamenn sagt að það hafi 500 tekið þátt í mótmælum þegar það voru í raun 1000 í tvennum.

[Huld S. Ringsted, 26.10.2008 kl. 19:42]

[Hrönn Sigurðardóttir, 26.10.2008 kl. 19:46]

Sammála Helgu!! Eru þetta byrjandamistök??

[Sigrún Jónsdóttir, 26.10.2008 kl. 20:02]

Hæ skvísur og takk fyrir innlit

Milla mín, það væri nú ekki leiðinlegt að þú kæmir með í Kakó án/rjóma ef þú átt leið

Hallgerður mín, það er ekki veruleikafirring að telja að stutt sé í næstu kosningar, það er frekar raunsætt og eðlilegt mat.  Þú ert heppin að hafa það á tæru hvað þú ætlar að kjósa. ég vil vita hvað og hverja verður kosið um þangað til verð ég í hópi þeirra óákveðnu, en ég fer á kjörstað

Helga, mér er þetta algjörlega óskiljanlegt og get tekið undir spurningu Hrannar;  eru þetta byrjendamistök? Eða liggur eitthvað annað að baki?  Held að svarið við þessu komi fram fyrr en seinna.

Kreppuknús á alla

[Þórarinn Þ Gíslason (IP-tala skráð) 27.10.2008 kl. 09:17]

Sæl Sigrún.

Ég sá þetta fyrir mér eins og tvær áhafnir væru að fara saman í sama BOTNLAUSA bátinn. Afi hefði ekki staðið að svona sjósetningu!

Kærleikskveðjur.

[Ásthildur Cesil Þórðardóttir, 27.10.2008 kl. 14:53]

Flottur pistill hjá þér Sigrún.   Ertu með einhverjar ágiskaðar tölur um fjöldan sem mætti hjá borgarstjóra

[Sigrún Jónsdóttir, 27.10.2008 kl. 17:32]

Þórarinn, einhver af afakynslóð hefði sjálfsagt muldrað:

Alveg er ég undrandi

yfir þessum skara,

Margir sjálfsagt tuldrandi;

Með hverjum skal ég fara???

Ásthildur takk.  Engar opinberar tölur, hefur sjálfsagt ekki hentað yfirvöldum

[Sigrún Jónsdóttir, 27.10.2008 kl. 17:32]

muldrandi....átti þetta að vera en ekki tuldrandi.