Reykjavík, sandkassi pólitíkusa!

Jæja, þá er kominn borgarstjóri nr. 4 í frk. Reykjavíkurborg.  Hanna Birna Kristjánsdóttir fékk keflið afhent í "virðulegri" athöfn í Ráðhúsi Reykjavíkur í morgun.

Það er langt síðan ég hef fylgst svona náið með framgangi á pólitískum vettvangi eins og ég gerði í morgun.  Hlustaði á "útvarp Ráðhús" og setti mig í JC dómnefndargírinn.

Öðruvísi taldi ég mér ekki fært að hlusta, því pólitískar ræður hafa ekki lengur neitt vægi í mínum huga, allt sama ruglið.

Ræðustíll var ágætur hjá flestum ræðumanna:

Ólafur F., of bitur.  Tel að hann sé búinn í pólitík. 

Dagur, góð framsögn, innihald að mestu sagan hingað til, sem menn eru beðnir um að muna og það mun ég gera.

Svandís, sköruleg að vanda, besti ræðumaðurinn að mínu mati. Svandís og Dagur hljóta þó bæði að hugsa til baka til þess tíma, sem þau dásömuðu fulltrúa Framsóknarflokks í borgarstjórn og nýttu sér meinta valdagræðgi þess flokks.

Óskar, betri ræðumaður en ég átti von á en innihaldið lýsti frekar örvæntingarfullum tilraunum framsóknarmanna til að komast aftur til áhrifa.  Sé nú í anda að hann verði tekinn í dýrlingatölu valdsjúkra framsóknarmanna.  (opinbert innanbúðarleyndarmál: Siv bíður á hliðarlínunni).

Hanna Birna, góður ræðumaður.  Innihaldið kom mér skemmtilega á óvart,  mjög "landsföðurleg" og rétti fram sáttarhönd til hægri og vinstri.  Ég óska Hönnu Birnu til hamingju með embættið og vona að hún muni starfa í þeim anda, sem ræða hennar boðaði.

Það skal að lokum tekið fram að ég er löngu hætt að taka mark á fagurgala stjórnmálamanna og skil því ekki hvernig ég gat eytt dýrmætum frítíma í þetta en mér til afsökunar get ég upplýst að mér féll ekki verk úr hendi á meðan ræður voru fluttar....ég þreif eldhúsið hátt og lágt og m.a.s. ruslaskápurinn var tekinn ærlega í gegn!

 

Hanna Birna kjörin borgarstjóri

Athugasemdir

[Ásdís Sigurðardóttir, 21.8.2008 kl. 13:50]

Mér finnst þetta virkilega málefnaleg og skemmtileg rýni á morgunverkin hjá fulltrúuma borgarstjórnar.  Svona á að taka á málunum eins og þú gerir, vona að sem flestir lesi þetta hjá þér. Takk fyrir mig.

[Jenný Anna Baldursdóttir, 21.8.2008 kl. 14:35]

Flott greining hjá þér.

Ég er farin að hallast á þá skoðun að orð séu ekki til alls fyrst.

Framkvæmdin er það.

Og hana skortir, út um allt.

Njóttu dagsins mín kæra.

[Ía Jóhannsdóttir, 21.8.2008 kl. 18:17]

Já nú er að bíða eftir framkvæmdum og loforð séu haldin

[Hrönn Sigurðardóttir, 22.8.2008 kl. 09:14]

...svo eitthvað við hæfi að þrífa ruslaskápinn á meðan

[Sigrún Jónsdóttir, 22.8.2008 kl. 10:24]

Takk stelpur, ég lagði ofuráherslu á ruslaskápinn.

[Haraldur Bjarnason, 22.8.2008 kl. 11:18]

Greiningardeildin þín er mjög greinileg og auðvitað hafa hreppnefndarmenn í Reykjavíkurhreppi haft þau áhrif á þig að þú þreifst ruslaskápinn.

[Halldóra Hannesdóttir, 23.8.2008 kl. 20:28]

Heyrðu mín kæra, mig vantar svona þrifnaðargen á milli handboltaleikja......gætir kannski sent mér nokkur ?  knús til þín héðan úr firðinum fallega (heitt, blankalogn, smá þoka og rigning)

[Gudrún Hauksdótttir, 24.8.2008 kl. 07:24]

Skemmtilegur pistill hjá tér elsku Sigrún....JC fílingurinn í hávegurm hafdur.Var sjálf í JC í gamladaga.JC Sudurnes..Já og  ruslaskápinn var gódur punkturKnús á tig mín kæra hédan frá Jyderup

Áfram Ísland

[Hólmdís Hjartardóttir, 24.8.2008 kl. 10:53]

Siv á hliðarlínunni.....tell me more

[Sigrún Jónsdóttir, 24.8.2008 kl. 10:58]

Sendu mér e-mail Hólmdís og ég skal útskýra mína kenningu.  [e-mail]

[Ásthildur Cesil Þórðardóttir, 25.8.2008 kl. 11:27]

Já góð úttekt hjá þér.  Ég er samt ekki viss um Ólaf, hann kom vel út úr viðtali í DV, og virðist tilbúin til að halda áfram með sín mál.  Enda er hann málafylgjumaður, þó honum hafi orðið á í embætti borgarstjóra, með ráðningar og rekstur.  Þá virðist hann hafa verið að taka á efnahagsmálum, meðan sjallar voru að leika sér og baða í sviðsljósinu.   En við skulum sjá til með hann.   Það er allavega á brattan að sækja þar.  En enginn ætti að afskrifa menn eins og Ólaf F.  Og hvar eru nú öll lætin sem voru í kring um hann í fjölmiðlum, Óskar alveg látinn í friði ? Ég votta Reykvíkingum mína innilegustu samúð með þetta ráðslag allra þeirra sem þarna eru í forsvari.  Þvílík óvirðing við kjósendur sína, sem þarna kemur fram.  Og Hanna Birna er ein af gerendum í því sjónarspili öllu, því skulu menn heldur ekki gleyma.

[Sigrún Jónsdóttir, 25.8.2008 kl. 13:28]

Ég þakka innlit mín kæru.

Ásthildur, ég mun engu gleyma af því sem gengið hefur á og ef kosið væri í dag myndi ég skila auðu.