Sjálfstæði/efnahagur!

Hvers virði er sjálfstæði þjóðar, þeim einstaklingum, sem ekki geta framfleytt sér og sínum?

Þegar stórt er spurt, verður fátt um svör.

Jón Sigurðsson var baráttukarl, sem barðist fyrir réttlæti og efnahagslegu sjálfstæði Íslensku þjóðarinnar.  Hann er án vafa einn eftirminnilegasti tímamótamaður íslenskrar sögu, fæddist á Hrafnseyri í Arnarfirði 17. júní 1811 og ólst þar upp til 18 ára aldurs.

Í dag halda Íslendingar upp á sjálfstæði þjóðarinnar á fæðingardegi þessa merka manns og er það vel en töluvert vantar ennþá upp á að við getum haldið upp á „efnahagslegt“ sjálfstæði allra Íslendinga.

Til þess að svo geti orðið þurfa lágmarkslaun og almannatryggingabætur að taka mið af raunverulegri framfærsluþörf, þess vegna þarf að vera til opinber og viðurkennd neysluviðmiðun, sem ákvarðar þann framfærslugrunn sem þarf til að einstaklingar geti lifað lífinu með reisn.    

Í dag lifa allt of margir Íslendingar undir fátæktarmörkum.  Fátækt er ljótur blettur á okkar þjóðfélagsmynd,  sem út á við sýnir ríkidæmi í þotuliðs glansmynd.  Fyrir nokkrum misserum síðan kom út skýrsla frá OECD,  þar sem fram kom  að ekki  færri en  5000  íslensk börn  lifðu við aðstæður undir fátæktarmörkum.  Það var á  góðæristímum.  Hvað verða þessi börn mörg  í  "hallærinu", sem margir segja að sé veruleiki dagsins í dag?

Þetta er mitt innlegg í baráttuna um „efnahagslegt“ sjálfstæði allra Íslendinga!

Fátækt er smánarblettur hjá ríkri þjóð og við því þarf að bregðast.

„Vér mótmælum allir“ sinnuleysi Íslenskra stjórnvalda, sem láta þetta viðgangast.

Annars bara allt í góðu, en mikið vildi ég geta eytt þessum fallega degi á fæðingarstað Jóns Sigurðssonar, að Hrafnseyri við Arnarfjörð í góðu yfirlæti staðarhaldarans Valdimars Jóns Halldórssonar.

Gleðilega þjóðhátíð

Athugasemdir

[Magnús Paul Korntop, 17.6.2008 kl. 14:40]

Lengi lifi minning Jóns Sigurðsonar,gleðilega þjóðhátíð.

[Jenný Anna Baldursdóttir, 17.6.2008 kl. 15:45]

Gleðilegan 17.

[Róslín A. Valdemarsdóttir, 17.6.2008 kl. 20:24]

Hann hefði orðið eitthundraðníutíuogsjöööö ára í daaag, hann Jón Sigurðssooon hann hefði orðið eitthundraðníutíuogsjöö ár'í daaag

Gleðilegan dag

[Ía Jóhannsdóttir, 18.6.2008 kl. 00:42]

Bara á þing með þig vinkona!  Déskoti held ég að okkur vanti svona skelleggar persónur.  Andsotinn sjálfur að ég hafi ekki kostningarétt!!!  Hvernig væri ef við gætum kosið einstaklinga en ekki einhverja bölvaða flokka sem er fokka öllu upp? 

Kveðja inn í góðan dag, þá meina ég  á morgun. Hér er komin hánótt og löngu komn tími til að leggjast á eyrað.  

[Gudrún Hauksdótttir, 18.6.2008 kl. 11:18]

DJÔ... Tek ég undir med Ìu.Flott innlegg hjá tér Sigrún mín.

Ég myndi kjósa tig og vera tinn studningsmadur engin spurning

KNús á tig inn í gódann dag.

[Ásdís Emilía Björgvinsdóttir (IP-tala skráð) 18.6.2008 kl. 22:39]

Elsku Sigrún! Frábær hugleiðing, allt svo satt.

Vona að þú eigir góða nótt og góðan dag á morgun

[Ásthildur Cesil Þórðardóttir, 19.6.2008 kl. 01:29]