Þetta peð víkur ekki fyrir biskupi!

Kirkjan er mál málanna í dag.  Því er oft haldið fram að ef þú viljir forðast rifrildi og erjur, þá ræðir þú ekki um pólitík eða trúmál.

Ég er ekkert svakalega trúuð, á mínar barnabænir og reyni að lifa samkvæmt siðferði kristinnar trúar.  Ég hef stundum sagt að trúmál Íslendinga séu svolítið sér á parti, svolítil hentistefna þar eins og víðar í samfélagsmunstrinu.  Aðfangadagskvöldið hefur alltaf verið okkur "heilagt" eins og auglýsingin frá Verslunarmannafélaginu lýsir svo undurvel....þar sem búðardaman er steinsofnuð í forréttinum

Mitt trúarlega uppeldi fór fram við eldhúsborðið heima og í sunnudagaskólanum hjá Sr. Jóhannesi Pálmasyni.  Sumum finnst kannski skrítið að ég hafi fengið mitt trúarlega uppeldi við eldhúsborðið af öllum stöðum, en það var bara þannig að þar fór siðferðiskennslan fram, ekki bókstaflega, heldur var það þannig að þar fékk ég að vita hvað mátti og hvað ekki  Hvernig ég átti að koma fram við aðra og hvað væri við hæfi hverju sinni.  Svo laumaði hún Sigga amma mín að mér ýmsum gullmolum sem hafa lifað með mér

Sr. Jóhannes var alveg frábær, maður missti ekki af sunnudagaskóla hjá honum.  Hann las fyrir okkur spennandi barna- og unglingasögur, sem eflaust höfðu einhvern boðskap að geyma en skemmtilegar voru þær og framhaldið kom í næsta sunnudagaskóla, því hann þýddi þær um leið og hann las, svo þetta voru ekki einhverjar bækur sem við áttum von á að fá í jólagjöf

Við sungum Áfram Kristsmenn krossmenn og fleiri KFÚM söngva og fengum hinar hefðbundnu Jesúmyndir.

Sr. Jóhannes, skírði mig og fermdi en hann var fallin frá þegar ég gifti mig svo það er ekki skrítið að sú gifting hafi ekki enst  annað hefur haldið.

Ég sótti líka "fullorðinsmessurnar" hjá Sr. Jóhannesi af því að ég þurfti að labba með ömmu í kirkjuna þar sem hún var blind og mamma þurfti alltaf að fara fyrr þar sem hún var í kórnum.  Pabbi fór ekki í messu  Í þessum "fullorðinsmessum" lærði ég ýmislegt um óréttlætið í heiminum, fátæktina og stríðin.  Þorpsbúar sögðu Sr. Jóhannes óþarflega vinstrisinnaðan í pólitíkinni, gott ef hann var ekki stimplaður kommúnisti...en allir elskuðu manninn (prestinn).  Á aðfangadagskvöld fóru allir heim eftir guðsþjónustu með hálfgerða sektarkennd vegna svöngu barnanna í Kongó en það rjátlaðist af manni eftir jólamatinn, gjafirnar, konfektið, mömmukökurnar, kakóið og bókina sem fyrst var lesin.

Ég tel mig sem sagt eiga góðar minningar tengdar kirkjunni frá minni æsku.  Svo góðar að mér finnst í rauninni alveg ómögulegt að ég þurfi að víkja frá þessari kirkju, sem ég skírðist og fermdist til.  Ég hef að ég tel ekki gert neitt saknæmt af mér, þannig að kirkjan er mín eins lengi og ég hef list á. 

Það eru samt menn þar inni á gafli, sem mér finnst hafa fyrirgert rétti sínum á "brauðinu" og ef þeir hafa fengið sama trúarlega uppeldið og ég, þá myndu þeir sjá sóma sinn og víkja til hliðar .....ekki úr kirkjunni heldur frá trúnaðarstörfum fyrir kirkjuna okkar.

Ég get ekki stillt mig um að segja frá þeirri skoðun minni að allir þeir biskupar/prestar sem ég tel að eigi að víkja hafa tileinkað sér alveg ótrúlega væmna framkomu tökum sem dæmi; Sr. Karl, Sr, Hjálmar og Sr. Pálmi....hvað er að svona fólki? 

Ég er bara "peð" en ég mun aldrei víkja fyrir siðspilltum biskupi!

In the name of Lennon - Peace & Love

 

Fyrirmyndin mín!

Elsku amma,

Ef ég hefði á einhverjum tímapunkti í lífinu verið beðin um að segja frá fyrirmyndinni minni...hefði ég hugsað til þín. Ég verð samt að viðurkenna að ég yrði að gera mun betur til að einhver nákominn okkur myndi átta sig á því...
Ég hef alltaf dáðst að þér, þínum léttleika, þínu umburðarlyndi gagnvart öllu í kringum þig og síðast en ekki síst æðruleysinu sem einkenndi allt þitt fas.
Ég held samt og vona að ég hafi erft smávegis af lífsviðhorfi þínu, léttri lund og umburðarlyndi...ekki af því að ég hafi meðvitað tekið um það ákvörðun, heldur hafi nærveran við þig í æsku minni gefið mér hluta af þér.
Þú ert sú manneskja í mínu lífi ásamt drengjunum mínum og barnabörnum sem hefur hrært mest við mínum tilfinningum. Bara það að skrifa þér þessar línur kemur minninga- og táraflóði í ljúfan farveg.

Elsku amma, ég sagði þér það oft og ég segi það enn: ÉG ELSKA ÞIG

Þakkar dóttur sinni og tengdasyni

Minning mín um mæta konu.

Í dag fylgdi ég móðursystur minni Pálmfríði Albertsdóttur Bergmann til grafar.  Palla, eins og hún var alltaf kölluð var fædd á Suðureyri við  Súgandafjörð þann  21. Október árið 1920.  Hún hefði  því  orðið níræð í ár en leit ekki út fyrir að vera deginum eldri en sjötug.  Glæsileg  með létt yfirbragð.   Þannig sá ég hana alla tíð.

Prinsinn hennar Pöllu var sannkallaður Suðurnesjamaður, skipstjóri, sem sótti sjóinn fast eins og segir í ljóðinu.  Hann hét Magnús S. Bergmann og er látinn fyrir nokkrum árum.  Palla og Maggi voru eitt og bjuggu allan sinn búskap í Keflavík og þá lengst af að Heiðarvegi 12.

Minningarnar  flæða.  Palla elskuleg móðursystir  og strákarnir hennar heima á Suðureyri að sumri til.  Maggi á síld.  Þessi sumur voru fljót að líða, allt of fljót.  Kvíanesið og allir þessir strákar Jói Diddi, Abbi, Dúddi, Svenni, Vignir, Albert, Gylfi og Valdi og svo ég.  Yfirleitt eina stelpan.  Er það nokkuð skrítið að maður yrði þessi „ákveðna“  týpa?

Ég hafði mikinn stuðning af Pöllu móðursystur minni, því hún var svona stelpu-stelpa og hefði gjarnan viljað eignast eina sjálf.  Ég fékk að njóta þess.  Palla frænka hafði nefnilega pjatt elementið, sem mömmu mína elskulega skorti. 

Skemmtilegustu ferðir sem ég átti í æsku var þegar ég fékk að fara til Keflavíkur með síldarbátunum hans Magga Bergmann, þegar hann sótti fjölskylduna sína , sem dvalið hafði í Súgandafirði meðan hann var á síldveiðum fyrir norðan eða austan land.  Ég dvaldi þá oftast í 1 til tvær vikur í Keflavík við gott atlæti.

Hjá Pöllu frænku prófaði ég naglalakk í fyrsta skipti.  Eitthvað hlýt ég að hafa naglalakkað „útfyrir“ því Maggi hélt að ég hefði komist í rauða skipamálningu niðri í slipp!  Palla bjargaði því, hreinsaði og kenndi mér  nauðsynlegar grunnreglur við naglalökkun.

Ég fékk svo oft að finna að ég var litla stelpan hennar Pöllu.  Þær voru ekki af verri endanum jólagjafirnar, sem komu  frá  fjölskyldunni á Heiðarveginum í Keflavík.  Rafmagnseldavél (alvöru) og flugfreyjubúningurinn svo eitthvað sé nefnt.  Flottu dressin sem Palla  sendi mér fyrir árshátíðirnar á Núpi  og svo bara hlýjan og ræktarsemin.  Hún hringdi reglulega, bara til að heyra í mér, síðast fyrir nokkrum vikum.  Í fyrra prjónaði hún fyrir mig fallega peysu, sem ég mun hafa í uppáhaldi um ókomna tíð. 

Hún var alla tíð dugleg að sækja samkomur hjá Súgfirðingafélaginu, hvort sem það var Þorrablót eða Kirkjukaffi.  Pöllu fannst  alveg nauðsynlegt að rækta sambandið við fólkið úr átthögunum, þótt eitthvað hafi nú fækkað vinunum á hennar aldri, sem sóttu þessar skemmtanir síðustu ár,  þá leit hún á það sem kært tækifæri að hitta okkur systurbörnin sín og eiga glaða stund með Súgfirðingum almennt. 

Síðasta þorrablót sem við Palla sóttum saman var fyrir þremur árum  og var hún þá á 87. Aldursári, en það var ekki sjáanlegt.  Hún naut sín á dansgólfinu og var að mínu mati glæsilegasta konan í salnum.  Ég var alltaf svo hreykin  af henni Pöllu frænku.

Ég var ásamt mörgum öðrum úr fjölskyldu okkar  samferða Pöllu í hennar síðustu ferð í Súgandafjörðinn, það var árið 2006, eða fyrir fjórum árum síðan.  Frábær ferð í alla staði sem treysti vinabönd afkomenda þeirra systra, Pöllu og Jónu.  Þá gistum við flest í húsi sem stendur á sömu lóð og húsið sem þær systur fæddust í.   Þetta voru sannkallaðir Sæludagar í Súgandafirði og toppurinn var að eiga þessa daga með Pöllu frænku.

Ég mun sakna Pöllu minnar og þakka henni samfylgdina í gegnum lífið.  Þessi samfylgd hefur verið mér dýrmæt.

Ég sendi frændum mínum, Vigni, Alberti, Gylfa og fjölskyldum þeirra mínar dýpstu samúðarkveðjur og bið þeim Guðsblessunar.

 

 

Gæfuríkt ár og takk fyrir það gamla.....

....já það gamla.  Nú er það næstum því liðið í aldanna skaut og kemur aldrei til baka, það er á hreinu og ég er nú hálfbartin fegin....ja, meira að segja mjög fegin 

Það er við hæfi að líta um öxl og skoða hvað vel hefur farið og eins það sem betur mætti fara, er það ekki?

Hjá mér var árið ansi viðburðaríkt og margt sem hefði mátt fara betur.....en nr. 1 er sennilega lífgjöfin sem ég má þakka  Ég þakka þá lífgjöf sem ég fékk eftir hjartaáfalið í mai s.l. og vona að ég geti nýtt mér það áfall til betra lífs

Hugurinn er hjá sonunum, sem báðir áttu erfitt ár tilfinningalega og barnabörnunum, sem geta ekki haft áhrif á framvindu mála  

Flestir sem halda sig þekkja mig, eru vissir um að pólitíkin hafi spilað stærstu rulluna í mínu lífi á þessu ári, en því fer víðs fjarri.  Ég hafði jú áhyggjur, þar til í gær, um að ég ásamt þjóð minni yrði vænd um óheiðarleika og ég þakka þeim þingmömnnum sem þorðu að taka óvinsæla ákvörðun og létu ekki stjórnast af múgsefjun

Ég fékk mína óskaríkistjórn og ganvart mér hefur hún staðið undir væntingum  Ég skulda þeim umsögn, en mun láta það bíða betri tíma

Ég þakka öllu því góða fólki sem ég hef átt samleið með á árinu fyrir þeirra framlag til míns lífs, fjölskyldu, vinnufélögum, vinum og öðrum vandamönnum

 Gleðilegt ár og takk fyrir það gamla, ég elska ykkur öll

Hitt og þetta......

Aðallega þetta:

Hjartaáfall, 11.05.09....hætti að reykja frá og með þeim tímapunkti....allt gengið lygilega vel....fitnað og þ.a.l. þyngst að einhverju marki... bömmer, en hvað með það!   Þetta hefur verið pís of keik miðað við áfallið sem ég varð fyrir í dag!  Ég varð netlaus....ekkert  internet í heilan sólarhring.... 

Ekkert hægt að sýsla (harvesta eða plægja) á Kvíanesi, heilsársbústaðnum mínum í Farm town, eða Farmwille eða farmfriends eða hvað þetta heitir nú allt saman sem heldur í mér lífinu þessa dagana meðan Ísland sekkur!!!!

Get ekki sent vinum mínum hjarta eða rós, get ekki fylgst með á blogginu hennar Láru Hönnu larahanna , get ekki lesið skynsömu/skemmtilegu pistlana hjá bloggvinum mínum eða netmiðlana,sem hafa haldið mér við efnið síðan „Guð þurfti að blessa Ísland“í den!

Ég er fíkill, ég er netfíkill.....en mig langar ekkert í meðferð.  „Fixin“ sem ég fæ með því að fara „inn á netið“ eru ekki krabbameinsvaldandi eða á neinn annan hátt tengd þeim sjúkdómum sem mig hrjá.  Heilbrigðiskerfið á ekkert eftir að „blæða“ vegna míns vesaldóms við tölvuna!

Ég reykti í u.þ.b.  35 ár og var orðin stórreykingarmanneskja síðustu árin.  Hafði oft „reynt“ að hætta, en ekki tekist  vegna......aðallega vegna þess að mig langaði ekki til að hætta!  Nú er ég hætt...og hafiði það!  Fann þennan tímapunkt og aðstæður sem virka.....en bara fyrir mig.   Gæti ekki haldið námskeið fyrir aðra sem vilja hætta, vegna þess að ég geri mér grein fyrir því að það sem virkar fyrir mig er algjörlega bundið við mína persónu en ekki  aðra í sömu stöðu.....því miður fyrir hina

þegar ég fékk fréttirnar af því að ég yrði að vera án internetsins næsta sólarhringinn, helltust yfir mig öll þau fráhvarfseinkenni sem ég hef átt að venjast í „reykingarstoppum“ hingað til....ég snöggreiddist, leið illa og varð óróleg....shit.....ég varð virkilega pirruð!......en mig langaði ekki í sígarettu .....bara internetið!

Ég fékk fréttir af því í dag....áður en ég missti netið, að það væri ekki meirihluti fyrir því á Fróni að ganga í Evrópusambandið!  Ég skil ekki svona fréttir...... hvernig getur fólk gert upp hug sinn áður en það fær einhverjar staðreyndir  á borð?  Hvað vill fólkið?   Hvað vill það ekki?....  Er fólk sátt við það að einhverjir „sægreifar“ njóti auðlindanna í sjónum í kringum Ísland, en ekki hinn almenni þegn???  Hefur hinn almenni þegn notið auðlindanna í sjónum í kringum Ísland verandi utan ESB?  Gæti ég hugsanlega fyllt ísskápinn minn af ódýrari matvöru í skiptum fyrir auðlindina sem einhverjir útvaldir eru að græða á núna.....gæti ég hugsanlega grætt eitthvað á einhverju sem hefur aldrei skipt mig nokkru máli af því að ég hafði ekki aðgang að því.........   Gæti ég hugsanlega haft annarra hagsmuna að gæta en forsvarsmenn LÍÚ?  Ég bara spyr!....og vil svör! 

Fyrirfram myndi ég ætla að hagsmunir mínir fari ekki saman með hagsmunum LÍÚ greifanna....en hvað veit ég?

Ég á bæði góða vinkonu í Svíþjóð og bloggvin í Svíþjóð, sem eru algjörlega á móti því að Ísland gangi í Evrópusambandið.   Þótt ég elski þessa vinkonu mína og beri virðingu fyrir hennar skoðunum og bloggvinarins, þá verð ég að segja að þeirra skoðanir eru ekki endilega það sem ég er að fiska eftir varðandi mína endanlegu niðurstöðu um ESB.  Þau virðast allavega hafa það ágætt í þessu innmúraða – reglugerðar - ESB bákni sem Svíþjóð er.   Ég ætla bara að hugsa um mína eigin afkomu og afkomu mér nátengdra þegar ég tek þessa ákvörðun!!  Röðin er einfaldlega komin að mér og mínum!

Mín endanlega niðurstaða verður fengin að afloknum aðildarviðræðum, þegar ég fæ að sjá það svart á hvítu hvort mín persónulega afkoma verður betri eða verri  við inngöngu en hún er nú!   Þannig er það nú bara.   ÉG og mínir.  Ég missti nefnilega  af góðærinu..........og nú er röðin komin að mér...sorrý fólks!

Ég skal alveg viðurkenna það að ég hef haft það helvíti skítt undanfarin ár hér á þessu farsældar Fróni.  Án þess að fara út í smáatriði skal það upplýst að ég stóð ein uppi með tvo unglingsdrengi árið 1997....með skuldabagga  og brostna drauma.....

Ef ég hefði búið í ESB landi eins og t.d. Svíþjóð eða Danmörku, hefðu drengirnir mínir fengið umtalsverða aðstoð til að halda sig í námi og klára sitt nám.  Ég veit það, vegna þess að ég var í sambandi við vinkonu sem flutti  út „með allt niður um sig“ til Danmerkur um þetta leiti.

 Á Íslandi var þessi aðstoð ekki til staðar......vegna þess að mamma þeirra var í vinnu og hafði tekjur yfir viðurkenndum framfærslumörkum íslenskra yfirvalda.  Mamman er sjúkraliði  og þangað til „Guð þurfti að blessa Ísland“ var sjúkraliðastarfið  samt talið vera  láglaunastarf..........Skuldabagginn, sem fylgdi mér út úr hjónabandinu var ekki til staðar í reiknilíkani íslenska velferðarkerfisins.....

Látum það vera að mamman hefði þurft að kosta nám sonanna.....sem hún gerði ekki, af því að hún gat það ekki.... ( þeir hafa sjálfir unnið fyrir sínu námi....enda duglegir drengir!)  En það hefði lagað móralinn hjá mömmu greyinu ef hún hefði getað gefið þeim almennilega að éta annað slagið....sem hún gerði reyndar.....en það kostaði....neyslulánin viðhéldu stoltinu!

Þess skal getið að drengirnir hafa samt báðir stundað nám....verknám, sem gerði þeim kleyft að lifa og læra! ....venjulegt menntaskólanám, sem er undanfari háskólanáms var ekki inni í myndinni, enda er ekkert jafnræði til náms hér á landi....það vita þeir sem vilja vita!

Svo komu fréttirnar frá vinkonunni í Danaveldi.......námsstyrkur í menntaskóla.......styrkur vegna námsgagna... framfærslustyrkur...nefndu það!!....Danski bankinn bauð þeim að kaupa húsnæði....en halda samt áfram að borga af ísl. Skuldum!  Sjitt!!!.........Framfærslumörk.....lærði þetta orð....það greyptist í huga sjúkraliðans!

Ó key, norræna velferðarkerfið.....ekki rugla því saman við ESB. 

En lægra matvöruverð og lægri vextir af lánum og siðareglur bankanna vegna framfærslugetu kúnnanna  voru vegna áhrifa frá ESB bákninu....þar gilda einfaldlega þær reglur að ekki megi rukka kúnnann þannig að ekki sé afgangur fyrir eðlilegri framfærslu viðkomandi.

Við, ísl. Kotbúskapsfjölskyldan, barðist áfram ......allir vinnandi , í skóla eða í vinnu með skóla....á kúpunni! SJÁLFSTÆÐIR  ÍSLENDINGAR!  Hvað skilaði það okkur?  ....Ég get alveg sagt ykkur  hverju það skilaði mér ....HELVÍTIS BASLI OG FÁTÆKT!!!.....og niðurlægingu hjá bankastjóranum með reglulegu millibili!

Fréttir síðustu daga hafa sagt okkur af hverju við komumst ekki úr hjólförunum!  Við skiptum ekki máli fyrir þá sem hér settu lög og reglur!  Við vorum „nóboddýs“......algjörlega „nóboddýs“ þrátt fyrir kennitölu, og ríflegar skattgreiðslur til samfélagsins!....annað en formaður Framsóknarflokksins, sem hafði bara rétt rúmar 30.000.- .....segi og skrifa ...þrjátíuþúsund krónur í mánaðarlaun sl. Ár!!!

Kunningja-  vina- og ættingjasamfélagið skilaði okkur þjóðargjaldþroti og í mínum huga þýðir það að það sé komin tími til að við, sem búum og lifum á „litla eylandinu í norðri“ og getum ekki annað, þurfum önnur viðmið.....  Við þurfum að tileinka okkur reglur alþjóðasamfélagsins og siðferði!

Ef það er innan vébanda ESB......þá er ég með.....

Ég á fullt af bloggvinum, sem eru eindregnir andstæðingar ESB aðildar...ég virði þeirra afstöðu...eeen ég vil heyra meira en það að við „töpum sjálfstæðinu“!.....ég hef ekki verið sjálfstæð undanfarin ár...ég hef verið háð helvískum bankanum mínum.....Landsbanka Íslands.....bankanum sem er að takast að gera mig og aðra Íslendinga gjaldþrota  með hjálp hinna bankanna, Glitnis og Kaupþings....Er þetta eftirsóknarvert sjálfstæði?

Ég veit að sem einstæð móðir í göfugu en illa launuðu starfi, hefði ég haft mikið betri fjárhagslega afkomu í einhverju ESB nágrannalandanna.....sem öll eru sjálfstæðar þjóðir með sitt eigið tungumál og menningu....og auðlyndir, sem aðrar ESB þjóðir láta alveg í friði!

Íslendingar hafa verið nettengdir í 20 ár......en höfum við eitthvað lært af þeim samskiptum sem netið býður okkur upp á?  

.....Þetta fenguð þið í hausinn af því að ég var án internetsins í 1 sólarhring.....og hana nú!

.....þið þurftuð samt ekkert að lesa þetta......

Íslendingar hafa verið nettengdir í 20 ár

Bjórverksmiðja varð að banka....eða hvað?

Ef framtíð unga fólksins er utan Íslands er ég ansi hrædd um að framtíð okkar sem eldri erum sé ekki mjög björt

Hvernig í ósköpunum var hægt að fara svona illa með okkar litlu "duglegu" þjóð?  Er einhver ábyrgur?  Er þetta bara venjuleg kreppa/lægð í efnahagslífinu sem skítur reglulega upp kollinum hingað og þangað um veröldina?

Nei þetta er að mestu heimatilbúin vandi, runnin undan rifjum gráðugra og misviturra stjórnmálamanna og gráðugra misviturra manna úr viðskiptalífinu.

Munið þið þegar Bjöggarnir komu heim með Rússagullið?  Snillingur var hann, Bjögginn sá yngri  Bjórverksmiðja varð að gulli og gersemum í höndunum á honum og hann keypti eitt stykki banka, bara si svona   Hvað eru nú aftur mörg ár síðan?  og bíðið aðeins, af hverju þurftu þeir lán í gamla Búnaðarbankanum, þessum sem Finnur,  Ólafur og hinir framsóknarmennirnir fengu að kaupa, ef þeir voru svona fjáðir eftir bjórverksmiðjuævintýrið???

Af hverju eru engir fréttamiðlar að spyrja þessara spurninga?  Var kannski ekkert Rússagull og þurftu Bjöggarnir bara að eignast banka til að geta fjármagnað "alvöru" viðskipti annars staðar í veröldinni með íslensku sparifé og þegar það dugði ekki til var bresku og hollensku  sparifé bætt við

Mér skilst að allavega annar Bjögginn sé skráður fyrir ýmsum eignum...ég fer fram á það við erkifíflin í Sjálfstæðis- og framsóknarflokki, sem seldu Bjöggunum bankann á sínum tíma að þeir geri allt sem í þeirra valdi stendur til að endurheimta eitthvað af  þessum eignum og að þangað til opni þeir ekki á sér þverrifuna um nein önnur málefni er varða almannaheill í þessu landi

Hólmdís Hjartardóttir, hjúkrunarfræðingur, bloggvinkona mín og mótmælasystir yfirgefur landið í dag.  Hún er ein af þeim fjölmörgu sem er orðin að flóttamanni frá Íslandi  hér kveður hún okkur að sinni

 

Framtíðin utan Íslands

Fjögurra ára fararstjóri:)

Amma, klukkan er sex núll átta!  þessu var hálf hvíslað í eyrað á ömmunni á þessari ókristilegu 8. minútu yfir 6 í morgun!

Þá hófust hefðbundnar samningaviðræður milli Róberts Skúla og ömmunnar.  Pissuleyfi fékkst hjá RS kl. 6:15 en amman hélt í sér svo raskið yrði ekki of mikið.  Því næst voru nýjustu bókmenntirnar sóttar fram í stofu og upplestur hófst úr Hr. Subba.  Amman dormaði en þurfti samt að vera til svars þegar eitthvað þarfnaðist frekari útskýringa eins og t.d. ;  Amma hvað þýðir handan við skóginn?  og... Amma er lækur vatn?

Kl. 6:58 var ekki lengur til liggjunnar boðið.  Það var sko örugglega kominn dagur - það heyrðist eitthvað frá Sæbrautinni - bílarnir voru vaknaðir

Hverjir halda um stýrið?

Hafið þið heyrt hann betri..?

Bogmaður:" Þér væri hollt að hlusta á fjármálaráðleggingar fagmanna. Gerðu allt sem þú getur til þess að bregða út af vananum í dag"  Hahahaha......

Eru þeir til fagmennirnir í fjármálaráðleggingum í dag?  Voru þeir einhvern tíma til?

Sjóvá var gamla tryggingafélagið mitt.  Ég er mjög íhaldssöm á svona hluti en var farið að blöskra svo okrið hjá þessu tryggingafélagi, sem ég hafði haft viðskipti við í tugi ára að ég skipti um félag s.l. sumar.  Hafði samt grun um að það skipti litlu máli þegar til lengdar léti en iðgjöldin lækkuðu eitthvað tímabundið.

Ég færði mig ekki yfir í VÍS, fannst það sama okurfyrirtækið, enda var framsóknar S-hópurinn búin að mjólka það félag undir stjórn Finns

Þessi bogmaður hérna er orðin ansi þreyttur á spillingarfréttum af "fjármálasnillingum" meints "góðæristíma" og vangefnum stjórnmálamönnum sem kunna ekki að skammast sín fyrir gjörðir flokkanna sem þeir starfa fyrir

Spunameistarar stjórnmálaflokkana halda áfram með bullið eins og ekkert hafi í skorist. 

Ég ætla að taka mér smá sumarfrí frá fréttum og bloggi.....

Love & peace man

 

Hefðu ekki getað tekið við viðskiptavinum

Fangelsi hvítflibbamafíunnar!

Við erum sennilega orðin nokkuð mörg, sem viljum nýta Tónlistar- og ráðstefnuhúsið A-la "Alþýðuhöllin" sem fangelsi fyrir útrásarvíkinga og fleiri hvítflibba afbrotamenn!

"Strákarnir frá Grímsey sem stunda nám í Slysavarnarskóla sjómanna sem er næsti nágranni Alþýðuhallarinnar svonefndu voru hinsvegar ekki í vafa um hvað ætti að vera þar innan dyra, þeir vilja stöðva framkvæmdir, setja rimla fyrir gluggana og hafa þar framvegis fangelsi fyrir útrásarvíkinga, öðrum til varnaðar".

Að gera þetta að fangelsi yrði góð áminning um hvernig græðgi og siðleysi fóru með íslenska þjóð

 

 

Alþýðuhöllin við höfnina

Monster tornadoes

eru náttúrufyrirbrigði, sem erfitt er að verjast þegar þau ganga yfir, því þau eyðileggja allt sem í vegi þeirra  verður..  Ekki veit ég hverskonar fyrirbrigði skekur bæjarstjórn Kópavogs en bæjarstjórinn er fastur fyrir og það bifar honum enginn svo léttilega....En ef Flosa tekst það mun ég ævinlega minnast hans sem hins mikla Tornadoe monsterbana

Farin á aukavakt........ætli Steingrímur viti það?

Munnlegt samkomulag við FME